鄧炳強固然唔識歷史，唔知道慶祝雙十所包含意義遠遠超越「台獨」之上（同為前警務署長，當年李明逵新亞歷史系畢業，墨水一定比PK Tang多）
但我覺更可悲嘅卻係，今時今日台灣嘅統派勢力，幾乎都集合響呢支青天白日滿地紅旗之下；真正嘅台獨份子，都唔知幾想將呢片國民黨旗改成真正嘅台灣國旗、將中華民國改成台灣共和國；雙十革命響武昌發生，台獨份子覺得關佢撚事？要去中國化，最好就係忘記雙十添。
你睇下今時今日幾多國民黨員走去北京向中共示好、幾多扯住青天白日滿地紅旗嘅台灣退休將領等住投誠，每年仲會響香港紀念雙十嘅國民黨份子，有邊撚個內心唔係想中國統一？
然後比你PK Tang今次嚇一嚇，香港藍營今年決定唔撚慶祝雙十了──香港藍營雖然勢孤力弱，但好歹都係台灣國民黨嘅一支後援丫，打撚死佢地究竟係維繫國家統一，定係削弱台灣統派勢力呀？究竟令習總統一夢愈走愈遠係香港慶祝雙十嘅國民黨支持者，定係搞散香港藍營嘅PK Tang？我都經已分唔清……
Search